"Bo bo, si ka vdekur?" Momenti kur bashkëshortja e autorit merr vesh vrasjen e fqinjit
Nga OraNews Përditësimi i fundit 7 Shtator 2022, 19:50
Ky është momenti kur gruaja e 63-vjeçarit, Fatmir Manellari, merr vesh për vrasjen e fqinjit nga i shoqi. Lajmin ja komunikuan gazetarët.
"O bo bo si ka vdekur? Të dy kanë vdekur? O bo bo! Grindeshin për arën atje".
Të njëjtën gjë konfirmon dhe i biri.
"Tani e mora vesh,nuk e dija unë.Ku ta gjej" thotë i biri.
Ngjarja e rëndë u regjistruar rreth orës 17:50 në fshatin Gështenjas, Pogradec.
Gjatë një konflikti për pronësinë e një ish-kovaçane (punishte për përpunimin e metalit), Manellari plagosi me thikë Yskollarin.
Ky i fundit u transportua në Spitalin e Pogradecit, ku si pasojë e plagëve të marra ka ndërruar jetë.
Nga ana e Policisë, po bëhet krehja e zonës me qëllim kapjen e autorit dhe vënien e tij para përgjegjësisë ligjore.
Grupi hetimor po punon për sqarimin e plotë të rrethanave të ngjarjes.
