Shkojnë për pushime, por Covid u prish planet, bllokohen 80 mijë turistë në Kinë
Nga Siklajda Shorja Përditësimi i fundit 12 Gusht 2022, 12:07
80 mijë turistë janë bllokuar në provincën turistik të Hainanit në Kinën Jugore teksa brenda javës ndryshuan masat kufizuese të Covid-19. Vendi turistik i cili ka shumë mundësi për të pushuar, kishte kufizimet më të pakta përpara mbylljes.
Provinca e Hainanit në Kinë e njohur si Maldivet e vendit bllokoi 80 mijë turistë aty si pasojë e masave të ndryshuara të Covid-19.
Turistët që kishin vendosur të kalonin pushimet në vendin turistik të Kinës Jugore, ishin nisur për faktin se vendi kishte kufizimet më të pakta, por në një kohë shumë të shkurtër gjërat ndryshuan.
Atmosfera e pushimeve mori një goditje javën e kaluar, ku 1,200 njerëz në qendrën turistike të Sanya rezultuan positive me koronavirus.
Qeveria lokale mbylli qytetin e Sanya, i cili ka rreth një milion banorë, përveç 80,000 turistëve që ndodheshin me pushime.
Fluturimet për largimin nga ishulli u anulluan, transporti publik u mbyll dhe shumë turistë u kufizuan në hotelet e tyre.
Sipas CNN, vizitorëve iu kërkua qëndrimi në ishull për një javë të plotë dhe përpara largimit duhet të paraqesnin testet negative të Covidit.
Sipas mediave shtetërore, Hainan mirëpriti më shumë se 81 milionë turistë në vitin 2021.
Ishulli turistik ofron shumë mundësi për të pushuar, kjo gjë i ka tërhequr vazhdimisht turistët.
