Aktorja irakiane padit gazetën e njohur britanike, i përdori foton për të treguar "gratë e shëndosha" arabe
Nga OraNews Përditësimi i fundit 11 Gusht 2022, 22:44
Lajmi që vijon nuk është aspak i zakonshëm dhe sigurisht që do të diskutohet në mbarë botën dhe do të komentohet gjerësisht në rrjetet sociale.
Aktorja e njohur irakiane Enas Taleb synon të padisë gazetën britanike “The Economist” për publikimin e një fotoje të saj në një artikull që i referohej “grave obeze” në botën arabe.
“Kërkoj dëmshpërblim për dëmin emocional, mendor dhe social që më ka shkaktuar ky incident”, tha aktorja 42-vjeçare, duke theksuar se imazhi është përdorur jashtë kontekstit dhe pa leje.
Ajo gjithashtu pretendoi se imazhi ishte fotoshopuar.
Fotoja e përdorur nga gazeta
Artikulli, i titulluar "Pse gratë janë më të shëndosha se burrat në botën arabe", është në qendër të pretendimit ligjor të Taleb, pasi ajo pretendon se varfëria dhe shoqëria janë arsyet e grave mbipeshë në botën arabe.
Artikulli u botua më 28 korrik. Fotoja thuhet se është bërë nëntë muaj më parë në Festivalin Ndërkombëtar të Babilonisë në Irak.
Artikulli është përballur me kritika të rënda në mediat sociale si racist dhe seksist.
Aktorja irakiane dhe prezantuesja e talk shoë-t tha gjithashtu se ishte përballur me "komente ngacmuese" në mediat sociale.
Ajo gjithashtu e quajti artikullin "një fyerje për gratë arabe në përgjithësi dhe gratë irakiane në veçanti", duke pyetur veten pse botimi ishte i interesuar për gratë në botën arabe "dhe jo në Evropë apo SHBA".
“Ata nuk e dinin që unë jam personazh i famshëm dhe personazh publik”, tha ajo, duke shtuar se “krizat mund t’i kthejë në fitime”.
Ajo ndau një video në llogarinë e saj në Instagram, e cila numëron nëntë milionë ndjekës, në të cilën avokati i saj britanik i foli asaj për "çështjen e shpifjes kundër The Economist".
“Sot kam lëshuar një letër pretendimi në emër të klientes sime duke kërkuar falje në emër të saj për dëmin e rëndë që i është shkaktuar asaj dhe karrierës së saj nga publikimi i fotografisë së saj”, tha avokati i saj.
Deputeti irakian dhe ish-ministri i kabinetit Evan Gabbro bëri thirrje për solidaritet me Taleb "pas fyerjes ndaj saj dhe grave irakiane dhe arabe".
“Gruaja irakiane do të mbetet madhështore dhe e bukur në sytë e botës”, theksoi Evan Gabbro.
Zahra Ghadour, një aktore dhe regjisore irakiane, denoncoi gjithashtu "perspektivën arrogante të medias perëndimore", e cila tha ajo tenton të "përforcojë stereotipet".
