Hapet muzeu i parë LGBTI+, “Queer Britain” në Londër: Udhëtimi i homoseksualëve drejt barazisë
Nga Besmira Pelushaj Përditësimi i fundit 12 Gusht 2022, 11:31
Muzeu i parë LGBTI+ në Londër, vjen me një ekspozitë inauguruese që përkon me 50-vjetorin e paradës së parë të Krenarisë në Londër në 1972. Ky muze pasqyron udhëtimin e ngadaltë të homoseksualëve të Britanisë drejt barazisë, gjatë shekullit të kaluar.
“Queer Britain” është muzeu i parë LGBTI+ në Britaninë e Madhe.
I vendosur në kryeqytetin britanik, pranë stacionit “King's Cross”, ai i bashkohet një rrjeti ndërkombëtar arkivash dhe institucionesh si Muzeu “Schwules” në Berlin dhe Muzeu Amerikan që pritet të hapet në Nju Jork në vitin 2026.
Drejtori i Muzeut, Joseph Galliano, tregon një derë të rëndë lisi në sallën kryesore të ekspozitës inauguruese.
Është dera e qelisë ku Oscar Wilde kaloi dy vjet të jetës së tij (1895-97), i burgosur për krimin e sodomisë, një eufemizëm për homoseksualitetin, i cili ishte rreptësisht i ndaluar dhe i ndjekur ashpër nga kodi penal i asaj kohe.
Ekspozita e parë e muzeut, e cila është falas, feston 50 vjet nga parada e parë e Krenarisë në Londër në 1972.
FIRST PRIZE ???? of the Madame F Art Award goes to Sadie Lee!
— Queer Britain (@QueerBritain) December 7, 2021
Look again, it’s not a photograph, but a magnificent painting! Here’s what Sadie said about the work, a thread ???? pic.twitter.com/T1Su85lqKc
Muret prezantojnë relike politike që përshkruajnë luftën për të drejtat LGBTI+ në Britani dhe shënime nga takimi i parë parlamentar për AIDS-in dhe pankarta nga Trans+ i këtij viti “Parada e krenarisë”, e mbajtur 10 ditë para hapjes së ekspozitës.
Galliano donte që muzeu të përfaqësonte përvoja të ndryshme “queer”, pra të gjithë komunitetin.
“Në muajt e parë, nuk ishte e pazakontë që dikush të hynte këtu dhe të shpërthente në lot. Një pjesë e madhe e historisë së njerëzve LGBTI+ ka të bëjë me heshtjen, turpin dhe fshehjen. Për ne, kjo do të thotë: ne jemi këtu dhe historitë tona meritojnë të tregohen."
“Queer Britania”, e udhëhequr nga Galliano, një ish-redaktor i revistës “Gay Times” pasqyron udhëtimin e ngadaltë të homoseksualëve të Britanisë drejt barazisë, gjatë shekullit të kaluar.
