BE-ja parashtron tekstin përfundimtar për të ringjallur marrëveshjen bërthamore të Iranit të vitit 2015

Nga OraNews Përditësimi i fundit 8 Gusht 2022, 17:38

Bashkimi Evropian ka paraqitur një tekst "përfundimtar" për të ringjallur marrëveshjen bërthamore të Iranit të vitit 2015, u tha gazetarëve të hënën një zyrtar i lartë i BE-së.

"Sot ne po paraqesim një tekst që është teksti përfundimtar," u tha gazetarëve një zyrtar i lartë i BE-së në një konferencë ndërsa bisedimet katërditore mbi ringjalljen e marrëveshjes përfunduan në Vjenë, raprtoi Reuters.

Marrëveshja bërthamore e Iranit, e njohur zyrtarisht si Plani i Përbashkët Gjithëpërfshirës i Veprimit (JCPOA), është një marrëveshje historike e arritur midis Iranit dhe disa fuqive botërore, përfshirë Shtetet e Bashkuara, në korrik 2015. Sipas kushteve të saj, Irani ra dakord të çmontojë pjesën më të madhe të programin bërthamor dhe hapjen e objekteve të saj për inspektime më të gjera ndërkombëtare në këmbim të lehtësimit të sanksioneve prej miliarda dollarësh.

Përkrahësit e marrëveshjes thanë se ajo do të ndihmonte në parandalimin e një ringjalljeje të programit të armëve bërthamore të Iranit dhe në këtë mënyrë reduktonte perspektivat për konflikt midis Iranit dhe rivalëve të tij rajonalë, duke përfshirë Izraelin dhe Arabinë Saudite. Megjithatë, marrëveshja ka qenë në rrezik që kur Presidenti Donald Trump tërhoqi Shtetet e Bashkuara nga ajo në vitin 2018. Si hakmarrje për largimin e SHBA-së dhe për sulmet vdekjeprurëse ndaj iranianëve të shquar në vitin 2020, duke përfshirë një nga Shtetet e Bashkuara, Irani ka rifilluar disa nga aktivitetet bërthamore. 

Në vitin 2021, presidenti Joe Biden tha se Shtetet e Bashkuara do të ktheheshin në marrëveshje në rast të një dakordësie me Iranin.