Rezidencat luksoze të Katarit/ Franca në hotelin e “verërave”, Brazili në qëndër të Dohas
Nga OraNews Përditësimi i fundit 27 Korrik 2022, 18:30
Janë dy prej kombëtareve më të shtrenjta të planetit dhe njëkohësisht pretendente kryesore për të fituar kupën e artë. Franca dhe Brazili do të kërkojnë në Katar të bëhen protagoniste të një botërori që pritet të jetë i paparashikueshëm edhe për shkak të hapësirës së vogël të vendit nga Lindja e Mesme ku zhvillohet kompeticioni.
Për të siguruar një qëndrim sa më të qetë dhe larg zhurmës e tifozëve, federatat e dy vendeve kanë rezervuar hotele luksi për kampionët e botës në fuqi dhe rekordmenët e këtij trofeu. Kështu, Franca do të akomodohet në kompeksin luksoz Al-Messila të Dohas.
Rreth 1800 euro kushton një natë në këtë hotel të përbërë nga 30 pishina private dhe një menu shumë e pasur verërash për të festuar nëse Franca arrin të ruajë titullin.
Ndërkohë, Brazili ka menduar për një destinacion më praktik pasi ka zgjedhur një seli që është shumë e aksesueshme në çdo stadium ku mund të shkohet për rreth 20 minuta në secilin prej tyre.
“Westin Doha” ndodhet në qëndër të kryeqytetit dhe ka të gjitha komoditetet e nevojshme për akomodimin e një skuadre yjesh.
