"Droga sheshit", në Kabul edhe qentë janë të varur prej saj
Nga Ora News Përditësimi i fundit 21 Korrik 2022, 08:08
Kabul është në mes të një epidemie të tmerrshme të varësisë nga droga, ku edhe qentë janë të lidhur me heroinën dhe trupat e afganëve të mbidozuar dergjen nëpër rrugë.
Disa imazhe janë publikuar nga jeta atje, që tregojnë varësinë e shfrenuar nga droga që ka pllakosur mijëra persona në kryeqytet pas viteve të luftës dhe kthimit të talebanëve.
Qindra burra dhe gra me heroinë, opium dhe meth u fotografuan të shpërndarë nëpër një kodër me pamje nga Kabuli, ndërsa qentë e droguar vërshonin përreth.
Në mes të mbeturinave mund të shiheshin edhe trupat e qenve të mbidozuar.
Numri në rritje i të varurve gjendet në parqe dhe kanalizime të ujërave të zeza, nën ura dhe në kodra të hapura në Kabul.
Varësia nga droga ka qenë prej kohësh një problem i madh në Afganistan, prodhuesi më i madh në botë i opiumit dhe heroinës dhe tani një burim kryesor i metamentit.
