Video/U bllokuan në një zonë të thepisur mes Valbonës dhe Thethit, shpëtohen tre turistët çekë
Nga OraNews Përditësimi i fundit 10 Korrik 2022, 20:16
Tre turistët çekë që u bllokuan në një zonë të thepisur mes Valbonës dhe Thethit, janë shpëtuar ditën e sotme.
Turistët u shpëtuan pas dy operacioneve të kryera nga ekuipazhi i helikopterit të Forcës Ajrore EC 135.
Për shkak se automjeti nuk mund të futej në zonën ku ishin bllokuar u kërkua ndihma e helikopterit për shpëtimin e tyre.
Ndërkohë Ora News, ka siguruar dhe vidoen e momentin, kur helikopteri shpëton turistët.
Njoftimi i policisë:
Në lidhje me informacionin e dhënë më parë, për 3 turistë çek, të cilët, duke eksploruar zonën e Valbonës, kanë mbetur të bllokuar, ju informojmë se:
Për shkak të terrenit të thepisur dhe mjegullës së zonës, nuk është bërë e mundur ndërhyrja me helikopter, në zonën ku ata kishin mbetur të bllokuar.
Shërbimet e Komisariatit të Policisë Tropojë, me qëllim shpëtimin e turistëve, në bashkëpunim me ekipin e qendrës shëndetësore të fshatit Lekbibaj, kanë ndërhyrë në këmbë për të kontrolluar zonën.
Pas disa orësh kërkimesh intensive në tërrenin e thepisur të Valbonës, kanë bërë të mundur gjetjen e turistëve, në vendin e quajtur “Maja e Boshit”.
Punonjësit e Policisë fillimisht i nxorën turistët nga terreni i rrëzikshëm ku ishin bllokuar dhe më pas i kanë transportuar të tre shtetasit çek, për rreth 2 orë, deri në Bjeshkët e Vashqefenit, ku ishte e mundur ulja e helikopterit.
Më pas turistët, me ndihmën e helikopterit, janë transportuar në qendrën shëndetesore të fshatit Lekbibaj, ku morën asistencën mjekësore dhe aktualisht ndodhen në gjendje të mirë shëndetësore.
