Gaforrja blu pushton lagunat/ Peshkatarët në Karavasta: Shumohet frikshëm, po zhduk peshkun
Nga OraNews Përditësimi i fundit 3 Korrik 2022, 15:15
Gaforrja blu, e shfaqur 5 vite më parë po pushton lagunën e Karavastasë ku është kthyer në makth për peshkatarët. Ata thonë se special që shumohet me ritme të shpejta po zhduk peshkun e ngjalat.
Kur peshkatarët në Lagunën e Karavastasë nxjerrin rrjetat nga uji ka raste që nuk gjejnë asnjë peshk, por vetëm gaforre blu.
Specia e shfaqur rreth 5 vite më parë është kthyer në makth për ta.
Perikli Sota: Zë vendin e para tek rrezet që kemi ne dhe nuk e lejon peshkun që të futet brenda.
Janë të fuqishëm dhe agressivë.
Peshkatarët thonë se po shfaros peshkun e ngjalat sikurse po u shkatërron rrjetat.
Perikli Sota: Ka disa vite që dhe gaforrja blu është shfaqur dhe këtu në zonën tonë, ku është pengesë dhe për materialet që gjuhet peshku por dhe për peshkun.
Gaforrja blu është e ngrenshme dhe me vlera ushqimore.
Por tregu është I papërfillshëm për sasinë e species që kapet çdo ditë.
Pamje tregojnë se ku përfundojnë dhjetra tonelata.
Perikli Sota: Shumë pak shitet, aq sa konsumohet.
Lufta me gaforren blu pritet të jetë e gjatë për shkak të shumimit të shpejtë të species që është kthyer në mallkim për peshkatarët.
