Rrëzohet autobusi, vdesin 20 persona e plagosen 13 të tjerë në jugperëndim të Pakistanit
Nga OraNews Përditësimi i fundit 3 Korrik 2022, 13:06
Një autobus pasagjerësh u rrëzua në një luginë në Pakistanin jugperëndimor të dielën dhe si pasojë u vranë 20 persona, tha një zyrtar qeveritar.
Nga aksidenti u plagosën gjithashtu 13 persona të tjerë në autobusin që po udhëtonte nga qyteti i garnizonit të Raëalpindi për në Quetta, kryeqyteti i provincës jugperëndimore të Balochistanit, tha Ijaz Jaffar, zëvendëskomisar i qarkut Sherani.
Gryka është rreth 350 kilometra në veri të Quetta.
Aksidentet rrugore vdekjeprurëse janë të zakonshme në Pakistan për shkak të infrastrukturës së dobët rrugore dhe mosrespektimit të regullave rrugore, si dhe automjeteve të mirëmbajtura keq. Muajin e kaluar, 22 persona humbën jetën në një aksident të ngjashëm kur një autobus ra në një luginë në rrethin Qila Saifullah.
Provinca është shtëpia e disa projekteve kineze sipas një plani investimi në të cilin Pekini po kërkon lidhje tregtare rrugore dhe detare me botën.
