Ajo refuzoi ta takonte, 34-vjeçari përplas kamionin në shtëpinë e së dashurës, do paguajë 475,000 £
Nga OraNews Përditësimi i fundit 3 Korrik 2022, 12:32
Një shofer kamioni ka pranuar se ka përplasur qëllimisht kamionin e tij në shtëpinë e të dashurës së tij ndërsa dy fëmijë ishin brenda.
Derek Wellington hyri mbrapsht dy herë në shtëpinë në East Kilbride, South Lanarkshire, duke bërë që shtatë banesa të evakuoheshin dhe dy të shkatërroheshin. Fatura për dëmin arriti në 475,000 £.
Wellington u deklarua fajtor për një sërë akuzash, duke përfshirë sjelljen e fajshme dhe të pamatur duke vënë në rrezik jetën e disa personave.
34-vjeçari ishte liruar me kusht në atë kohë pas një incidenti të mëparshëm ku ai sulmoi të dashurën Sara Cassidy në një hotel në Edinburg.
Atij iu tha të qëndronte larg 33-vjeçares pasi e goditi me kokë, e tërhoqi zvarrë dhe e përplasi pas një muri.
Por pavarësisht urdhrit të gjykatës, çifti rifilloi kontaktin dhe ai e telefononte vazhdimisht në ditën e incidentit me kamion më 6 shtator të vitit të kaluar.
Gjykata e Lartë në Glasgow bëri me dije se Wellington kishte rënë në një zemërim pasi Cassidy refuzoi ta takonte.
Ai i kishte bërtitur asaj në telefon: "Unë do të parkoj kamionin tim në dhomën tuaj të ndenjjes".
