Dubai/ U vesh si punëtor ndërtimi, 21 vjeçari pozon i varur me një dorë nga vinçi 390 metra i lartë (Video)
Nga Ora News Përditësimi i fundit 2 Korrik 2022, 08:25
Një alpinist britanik u vesh si një punëtor ndërtimi për t'u ngjitur fshehurazi në majën e një qiellgërvishtëse dhe për t'u varur nga një lartësi tronditëse mbi Dubai me vetëm një dorë.
Adam Lockëood, një 21-vjeçar nga Mançesteri, hyri në qiellgërvishtësen Il Primo, dhe u përpoq të shmangte punëtorët e vërtetë të ndërtimit gjatë ngjitjes së tij në majë - 390 metra e lartë.
Në pamjet që dokumentojnë marifetin e tij në Emiratet e Bashkuara Arabe, ai filmon veten duke hyrë në një pjesë të ndërtesës që duket se është në ndërtim e sipër, duke vënë në dukje se pothuajse nuk ka njeri përreth.
Por më vonë ai has një punëtor që e pyet se çfarë po bën. Ai përdor Google translate për të thënë në arabisht se "po punonte në godinë dhe harroi diçka" përpara se t'i thuhet të largohej.
Z. LockWood më pas përdor një shkallë tjetër për të filluar ngjitjen e tij në katin e 77-të, ndërsa ndalon herë pas here për të lagur kokën me ujë nga çezmat për t'u ftohur nga vapa.
“Është diçka që e di se mund ta bëj kur 99 % e botës nuk mundet dhe nuk do ta bëjë kurrë, kështu që ndihem i detyruar të përdor aftësinë time dhe të kënaqem duke e bërë atë,” tha ai.
Ai tha se më vonë zbuloi se shufrat e vinçit ishin mbuluar me "yndyr", diçka që ai e ngatërroi përpara se të fillonte marifetin e tij për pluhurin e shkretëtirës.
Në prill, Lockëood u var nga stadiumi 80 metra San Siro në Milano. Ai është ngjitur gjithashtu dhe në piramidën e xhamit në Luvrin në Paris.
