Bashkëpunëtorja e pedofilit Jeffrey Epstein dënohet me 20 vjet burg për krime seksuale
Nga OraNews Përditësimi i fundit 28 Qershor 2022, 20:57
Ghislaine Maxwell, bashkëpunëtorja e financierit pedofilit Jeffrey Epstein, i cili dyshohet se u vetëvra në burg, është dënuar me 20 vjet burg për krime seksuale.
Maxwell, 60 vjeçe, u dënua në dhjetor për rekrutim dhe trafikim të katër vajzave adoleshente për abuzim seksual nga Epstein, i dashuri i saj në atë kohë.
Një nga akuzuesit e saj tha më herët jashtë gjykatës se ajo duhet të qëndrojë në burg për pjesën tjetër të jetës së saj.
Epstein vrau veten në një qeli burgu në Manhattan në vitin 2019.
Ai kishte qenë në pritje të gjyqit të tij për trafikim seksual.
Krimet e Ghislaine Maxwell ndodhën gjatë një dekade, midis 1994 dhe 2004.
Para dënimit të saj, Maxwell, e veshur me rroba burgu, u kërkoi falje viktimave.
Ajo tha se ndjen dhimbjen e tyre dhe se takimi me Epstein ishte "pendimi më i madh" i jetës së saj.
"Lidhja ime me Epstein do të më njollosë përgjithmonë," tha ajo, duke shtuar se shpresonte se dënimi i saj me burg do t'u lejonte viktimave "paqe dhe përfundim".
