Tragjike! Të burgosurit e revoltuar i vendosin zjarrin burgut, vdesin 51 persona
Nga OraNews Përditësimi i fundit 28 Qershor 2022, 20:49
Të paktën 51 të burgosur kanë humbur jetën në Kolumbi dhe mbi 40 të tjerë janë lënduar, pasi burgu u përfshi nga flakët.
Ngjarja ndodhi mëngjesin e së martes në Tulua, qytetin Jugperëndimor të vendit teksa ndërtesa e burgut u përshi nga flakët.
Sipas raportimeve paraprake, mësohet se zjarri u shkaktua nga të burgosurit e revoltuar që nisën të digjnin dyshekët e tyre.
Autoritetet kanë konfirmuar se shumica e humbjeve të jetëve janë shkaktuar nga asfiksia për shkak të tymit të shumtë.
Ishin të shumtë njerëzit që u afruan pranë godinës së burgut për të marrë më tepër informacion mbi gjendjen shëndetësore të të afërmve të tyre.
Sektori i burgut e cila u përfshi nga flakët strehonte 180 persona nga 1267 të burgosur që ishin në godinë.
