Kina dërgon 29 avionë në zonën ajrore të Tajvanit
Nga Ora News Përditësimi i fundit 22 Qershor 2022, 07:26
Një total prej 29 avionësh luftarakë kinezë hynë në zonën e mbrojtjes ajrore të Tajvanit të martën, sipas Ministrisë së Mbrojtjes së ishullit.
Ministria e Mbrojtjes tha se avionët e Forcave Ajrore të Ushtrisë Çlirimtare Popullore (PLA) ishin një përzierje e avionëve luftarakë, avionëve të paralajmërimit dhe kontrollit të hershëm, avionëve të luftës elektronike, avionëve anti-nëndetëse, avionëve të inteligjencës elektronike dhe avionëve të karburantit ajror.
Ky ishte numri i tretë më i lartë ditor i avionëve kinezë që hynë në zonën e mbrojtjes ajrore të Tajvanit që nga fillimi i vitit dhe vjen më pak se një muaj pasi Kina dërgoi 30 avionë luftarakë në një mision të ngjashëm.
Si kundërpërgjigje, ushtria tajvaneze, lëshoi paralajmërime nw radio dhe vendosi sisteme raketore të mbrojtjes ajrore për të monitoruar aktivitetet, shtoi Ministria e Mbrojtjes.
Tajvani dhe Kina kontinentale janë qeverisur veçmas që kur nacionalistët e mundur u tërhoqën në ishull në fund të luftës civile kineze më shumë se 70 vjet më parë.
Por Partia Komuniste Kineze (PKK) në pushtet e Kinës e sheh ishullin e vetëqeverisur si pjesë të territorit të saj, pavarësisht se nuk e ka kontrolluar kurrë.
Pekini nuk e ka përjashtuar mundësinë e forcës ushtarake për të marrë Tajvanin dhe ka mbajtur presion mbi ishullin demokratik gjatë viteve të fundit me fluturime të shpeshta të avionëve luftarakë në të ishull.
