Po mbytej nga ushqimi, kamarieri shqiptar i shpëton jetën të moshuarës në Maltë
Nga OraNews Përditësimi i fundit 21 Qershor 2022, 16:51
Një kamarier shqiptar në Maltë ka bërë një gjest heroik, pasi ndërhyrja e tij i shpëtoi jetën një klienti në lokalin ku punonte.
Mediat e huaja, bëjnë me dije se shqiptari Endri Demaj ishte duke punuar në zonën “Ghar Lapsi” në Pieta, kur u informua se një kliente, Patricia Neto, po vdiste nga mbytja në ushqim.
I riu ka ndërhyrë menjëherë për të ndihmuar të moshuarën dhe për fat të mirëka arritur ta shpëtonte nga vdekja.
Vajza e saj, Carole Khosla, ka falënderuar Endrin përmes një postimi në Facebook.
“Ti shpëtove jetën e nënës sime dhe unë jam mirënjohëse”, tha ajo.
Edhe në rrjetet sociale veprimi i Endrit u vlerësua nga shumë përdorues, shkruajne mediat.
