Në qytete tryezat bosh nga çmimet e larta, në Roskovec fermerëve u kalben prodhimet në sera
Nga OraNews Përditësimi i fundit 20 Qershor 2022, 20:26
Në fshatrat e Roskovecit prodhimet po kalbet në sera. Fermerët thonë se nuk ka treg.
"Që ta vjelësh nuk ja vlen kosto."
Edhe kur e gjejnë çmimi është aq i ulët sa nuk nxjerrin dot paratë e shpenzuara.
"Edhe që shesim, paratë nuk na i japin."
Kostot u janë rritur për shkak të shtrenjtimit të plehrave kimike.
"Plehrat shtrenjtë, helmet shtrenjtë. Një spërkatje për dy dynynim domate do 100 mijë lekë."
"1 milion e ca lekë shkojnë plehra."
"Në vend që të ushqehemi po i lëmë lekët nëpër fidanishte, nëpër ilaçe, plehra."
Disa kanë marrë kredi dhe thonë se rrezikojnë të falimentojnë.
"Kam bankat pa larë, edhe tre vjet pa larë."
Të gjitha këtyre problemeve u shtohet edhe mungesa e forcës punëtore. Njerëzit po largohen nga fshatrat.
"Kanë ikur njerëzit të gjithë se nuk ushqehen dot."
Shpresë e vetme u ka mbetur ndihma nga shteti.
"Po nuk ndërhyri shteti ne jemi të falimentuar".
Në fshatrat e Myzeqesë për çdo vit fermerët detyrohen ta flakin prodhimin për shkak të mungesës së tregut dhe politikave mbështetëse.
