Itali/ Nëna pranon vrasjen e 5 vjeçares: E kam vrarë unë!
Nga Ora News Përditësimi i fundit 14 Qershor 2022, 14:27
Detaje të tjera kanë dalë në dritë nga ngjarja makabre që tronditi Italinë ditën e djeshme.
Nëna që kishte denoncuar zhdukjen e vajzës së saj 5 vjeçare pranoi sot se kishte qenë ajo që e kishte vrarë.
Martina Patti, 23 vjeçe ishte ajo që i drejtoi hetuesit drejt vendit ku ndodhej trupi i të miturës dhe po sot pranoi se kishte qenë ajo vrasësja e së bijës.
Ende nuk dihet shkaqet që e çuan të renë drejt këtij krimi makabër, raporton media italiane.
Ajo denoncoi ditën e djeshme se tre persona me kapucë kishin rrëmbyer vajzën e saj nga kopshti teksa deklaratat e saj që binin ndesh me njëra-tjetrën hodhën dyshime tek ajo.
