Rusët pushtojnë të gjithë Donbasin. Kievi: Forcat tona janë në disavantazh numerik me trupat ruse
Nga Amado Çela Përditësimi i fundit 9 Qershor 2022, 10:04
Administrata ushtarake ukrainase në rajonin e Luganskut në Donbas kanë thënë se qyteti kyç i Severodonjeckut është pothuajse i gjithi në duart e forcave ruse.
Raportimet vijnë një ditë pasi, forcat ukrainase thanë se ato kishin arritur të rimarrin gjysmën e qytetit.
Presidenti Zelenski tha se i gjithë fati i Donbasit do të varet nga beteja në Severodonjeck, që aktualisht ndodhet në duart e rusëve.
Forcat e Kievit vijojnë rezistencën por kanë realizuar një tërheqje taktike nga Severodonjecku, për shkak se forcat ruse intensifikuan ndjeshëm sulmet me artileri e tanke për shkak të avancimit ukrainas.
Guvernatori i Lugasnkut, Serkij Gaida u shpreh se qyteti është shndërruar në një gërmadhë si pasojë e sulmeve ruse.
Nëse rusët arrijnë të mbajnë Severodonjeckun, kjo do të ishte një fitore e madhe për Kremlinin, i cili që përpara 24 shkurtit kontrollonte rreth 1/3 e Donbasit përmes separatistëve pro rusë.
Së fundmi Kievi e ka pranuar se forcat e tyre janë në disavantazh numerik në Lugansk dhe Donjeck krahasuar me trupat ruse.
