Korçë/ U thirrën kundër rritjes së çmimeve, protesta mbeti në facebook, askush s'u mblodh në shesh, veç policisë
Nga Iris Rezhda Përditësimi i fundit 3 Qershor 2022, 16:04
Një thirrje për protestë kundër rritjes së çmimeve në Korçë, kishte mobilizuar policinë.
Tubimi ishte lënë në orën 11:00.
Vendi para terminalit ku grumbullohen të gjithë autobusët që kanë si destinacion qytetin Juglindor.
Nën dyshimin se protesta mund të agarvonte, forcat e rendit e kishin marrë me seriozistet situatën, dhe ishin vendosur atje disa orë para momentit kur ishte lajmëruar nisja.
Por teksa ora shënoi 11:00, protestuesit nuk dukeshin askund.
Jo vetëm qytetarët që nuk kishin dalë, por as ata që e lajmëruan atë nuk shiheshin.
Temepraturat e larta bënë që policët të gjenin hije për të pritur nisjen e protestës që nuk nuk u bë.
Disa minuta pas orës 11:00 edhe policët u shpërndanë, ndërsa kundërshtimi për rritjen e çmimeve mbeti vetëm në rrjetet sociale.
Thirrjet për protestë ishin bërë menjëherë pasi Bordi i Transparencës çoi çmimin e naftës në 247 lekë për litër të mërkurën, 2 qershor.
