Aurela Gaçe shkëputet nga muzika, këngëtarja zbulon arsyen
Nga OraNews Përditësimi i fundit 26 Maj 2022, 16:59
Këngëtarja e njohur Aurela Gaçe do të bëjë një shkëputje nga muzika për shkak të një problemi me kordat.
Ka qenë vetë këngëtarja e cila ka bërë me dije lajmit në një postim që ka bërë në rrjetet sociale, ku njofton se kordat e zërit i janë ënjtur për shkak të këndimit live dhe mjeku i saj e ka këshilluar që të bëjë një pushim.
Ndërkohë Gaçe thotë se do të ngjitet në skenë në nëntor të këtij viti.
“I drejtohem audiencës time besnike! Ju falënderoj me shpirt për gjithë mesazhet ,mbështetjen dhe dashurinë ndaj meje. Mbas vizitës dhe leksioneve me mjeken dhe vocal coach, ata më këshilluan të marr një pushim të vogël vokal, por shumë të rëndësishëm e të domosdoshëm për shëndetin e kordave. Trupi dhe vokali im po rikuperohen shpejt, por patjetër më duhet pushim që të mos bëj një dëm që mund të ketë pasoja më vonë. Shpirti im dëshiron të jetë në skenë për ju, por kurrsesi nuk mund t’ia lejoj vetes të kem një performancë të mangët, ose me rezerva.
Kjo nuk është Aurela që ju njihni. Ju meritoni një performancë 100 % siç jeni mësuar të më shikoni. Kurrsesi as nuk e mendoj të jem përpara jush playback.( Kjo as nuk mendohet të ndodhë) Për pak kohë shpresoj të jem mbas në normalitetin tim, pasi problemi u kap në kohë. Ju kërkoj shumë ndjesë. Me shpirt!
Në video, jam me profesorin tim prej 16 vitesh, William Riley. Mezi pres t’ju shoh në datat e reja të sapo vendosura nga stafi. Chicago-20 nëntor, Neë Jersey -2 dhjetor! Mezi pres t’ju shoh. Faleminderit për durimin”- shkruan këngëtarja.
