Garanci nga Balla për firmat për presidentin? Alibeaj: Qëllimi është të dalim me një kandidaturë të vetme. Procesi s'është lojë
Nga OraNews Përditësimi i fundit 19 Maj 2022, 15:29
”Unë nuk marrë garanci as nga Taulant Balla as nga Damian Gjknuri dhe as nga Rama por vetëm nga anëtarët të grupit parlamentar të PD-së”- u përgjigj Enkelejd Alibeaj në një deklaratë për mediat, kur u pyet se a i ka garantuar Taulant Balla firmat për kandidatët për president.
Në fjalën e tij ai tha se qëllimi i këtij procesi është që të dalin me një kandidaturë të vetme me dakordësi të të gjithë palëve.
Enkelekd Alibeaj: Unë nuk marrë garanci as nga Taulant Balla as nga Damian Gjknuri dhe as nga Rama por vetëm nga anëtarët të grupit parlamentar të PD-së. Në dokumentin që është shpërndarë është e thjeshtë procedura. E drejta për të propozuar është e opozitës, hapi i dytë është që i ofrohet palës tjetër që mes 4 emrat e propozuar nga opozita, pozita të zgjedhë 2. Pas këtij hapi, është se mes dy kandidaturave të zgjedhim një, dhe i fundit është për të zgjedhur vetme një me idenë dhe qëllimin e mirë tonin, për të shkuar me një kandidaturë të vetme për të gjithë palët. Ky proces nuk është një lojë, por një pos që i jep presidentit, legjitimitetin e duhur. Kjo kandidaturë do të ketë mbështetjen e vetme me firma të secilës palë, si një garanci që nesër të thonë se nuk na pëlqen.
