Dronët ukrainas godasin anijen ruse: Parada e flotës ruse më 9 maj do zhvillohet në fund të detit
Nga OraNews Përditësimi i fundit 7 Maj 2022, 18:33
Një tjetër goditje e rëndë për flotën ruse pretendohet nga Ukraina, e cila publikoi një video në të cilën një avion ukrainas pa pilot duket se po godet një anije ruse pranë Fidonisit.
Ukraina pretendon se shkatërroi një anije amfibe ruse në Detin e Zi, pranë ishullit të gjarpërinjve.
Një mjet ajror pa pilot Bayraktar TB2 " goditi një mjet fluturues të klasit Serna 11770, si dhe dy sisteme raketash tokë-ajër të tipit Tor ," tha marina ukrainase në Facebook, pa dhënë një datë.
“Parada tradicionale e flotës ruse më 9 maj të këtij viti do të zhvillohet pranë ishullit të gjarpërinjve, në fund të detit ”, tha Ministria e Mbrojtjes e Ukrainës me një ton ironik, në një mesazh në Twitter.
Njësitë armike që mbeten në ishullin e gjarpërinjve do të shkatërrohen dhe digjen si buburrecat apo karkalecat, tha zyrtari ukrainas Anton Gerashchenko.
Moska nga ana e saj nuk e ka konfirmuar informacionin dhe as nuk ka dashur të komentojë.
Një video e publikuar nga ushtria ukrainase tregon një anije luftarake pranë një skele që goditet nga një shpërthim, më pas përfshihet nga flakët dhe një re e dendur tymi ngrihet.
Në materialin audioviziv shihet edhe një sulm në një godinë.
Ukrainian Bayraktar TB2 destroyed another Russian ship. This time the landing craft of the "Serna" project. The traditional parade of the russian Black Sea fleet on May 9 this year will be held near Snake Island - at the bottom of the sea. pic.twitter.com/WYEPywmAwX
— Defence of Ukraine (@DefenceU) May 7, 2022
