Hitleri hebre! Putin i kërkon falje Izraelit për komentet e Lavrovit
Nga OraNews Përditësimi i fundit 5 Maj 2022, 20:22
Kryeministri izraelit Naftali Bennett tha sot se presidenti rus Vladimir Putin kishte kërkuar falje për deklaratat e bëra nga ministri i Jashtëm rus Sergey Lavrov, i cili pretendonte se Adolf Hitler kishte rrënjë hebreje.
Në një bisedë telefonike me liderin rus, Bennett tha se e kishte pranuar faljen e Putinit, të cilin e falenderoi për sqarimin e pozicionit të tij.
Naftali Bennett tha gjithashtu se i kishte kërkuar Vladimir Putinit të konsideronte evakuimin e fabrikës së çelikut Azovstal në Mariupol, e rrethuar nga forcat ruse.
Kryeministri izraelit vuri në dukje se këtë kërkesë e bëri pas komunikimit që kishte më herët me presidentin e Ukrainës Volodymyr Zelensky.
Sipas Bennett, Putin premtoi hapjen e një "korridori humanitar" për evakuimin e civilëve.
