Përfaqësuesi i BE, Lajçak priti në një darkë joformale Kurtin dhe Vuçiç
Nga OraNews Përditësimi i fundit 5 Maj 2022, 07:24
Përfaqësuesi Special i BE-së për Dialogun Beograd-Prishtinë dhe çështje të tjera rajonale të Ballkanit Perëndimor, Miroslav Lajçak ka pritur mbrëmjen e djeshme në një darkë joformale Kryeministrin e Kosovës Albin Kurtin, dhe Presidentin e Serbisë Aleksandar Vuçiç.
"Mirëpresim mundësinë për një darkë joformale diskutimi rreth Dialogut me Kryeministrin Kurti dhe Presidentin Vuçiç në Berlin' shkruan Lajçak në rrjetin e tij social Twiter.
Lajçak gjithashtu shpereh dhe mirënjohjen ndaj qeverisë gjermane për pritjen si dhe thotë,"Ne do të vazhdojmë diskutimin në nivel të kryenegociatorëve më 13 maj".
Ditën e djeshme në Berlin kancelari gjerman Olaf Scholz është takuar me Kryeministrin e Kosovës Albin Kurti dhe më pas me presidentin serb, Aleksandar Vuçiç.
“Qëllimi i bisedimeve të Brukselit është një marrëveshje gjithëpërfshirëse, e qëndrueshme midis dy vendeve, që u hap të dyja vendeve perspektivën e anëtarësimit në Bashkimin Evropian dhe kontribuon për qëndrueshmërinë rajonale", tha kancelari Schol.
