Vuçiç me Scholz: Jemi për një kompromis me Prishtinën, po ruajmë paqen në Ballkanin Perëndimor
Nga OraNews Përditësimi i fundit 4 Maj 2022, 20:17
Duke folur për dialogun ndërmjet Beogradit dhe Prishtinës, president serb Vuçiq me kancelarin Scholz tha se besonte se vendi i tij ka fuqi për të përparuar në dialogun me Kosovën.
“Ne do të bëjmë çmos që të shkojmë drejt një zgjidhjeje kompromisi, por këto nuk mund të jenë vetëm dëshirat tona, siç e tregon kjo fjalë qartë, për ne dhe të tjerët në dialog”, tha Vuçiq në takimin e përbashkët.
Vuçiq tha se temë diskutimi ka qenë edhe qëndrimi i Serbisë ndaj luftës në Ukrainë, duke theksuar se kancelares ia ka vënë në dukje vendosmërinë e Serbisë për natyrën e atij konflikti dhe dy herë në votime të rëndësishme në OKB dhe OSBE.
Presidenti i Serbisë theksoi se nuk mendon se vetëm njëra palë ka faj për problemet në Bosnje, për të cilat ka folur në detaje me Scholz-in, por ka thënë se nuk do të jetë shkaku i asnjë problemi.
“Ne e mbajmë fjalën dhe Ballkani Perëndimor do të ketë paqe dhe stabilitet”, ka theksuar Vuçiq.
Ai shtroi se në bisedë as që ka dashur të komentojë pretendimet e atyre që thonë se Serbia do të provokojë konflikte, gjë që nuk ka ndodhur.
