Pas takimit me Vladimir Putinin, shefi i OKB-së mbërrin në Ukrainë
Nga OraNews Përditësimi i fundit 27 Prill 2022, 22:44
Sekretari i Përgjithshëm i OKB-së, Antonio Guterres, ka mbërritur në kryeqytetin ukrainas, Kiev, përpara bisedimeve me presidentin e Ukrainës, Volodymyr Zelenskyy.
Në një mesazh në rrjetet sociale, ai shkroi: “Kam mbërritur në Ukrainë pas vizitës në Moskë.
"Ne do të vazhdojmë punën tonë për të zgjeruar mbështetjen humanitare dhe për të siguruar evakuimin e civilëve nga zonat e konfliktit. Sa më shpejt të përfundojë kjo luftë, aq më mirë - për hir të Ukrainës, Rusisë dhe botës."
Dje, shefi i OKB-së dhe presidenti Vladimir Putin "ranë dakord në parim" për pjesëmarrjen e OKB-së dhe Kryqit të Kuq Ndërkombëtar në evakuimin e civilëve nga uzina e çelikut Azovstal gjatë një takimi gati dy orësh.
Fabrika e çelikut, e cila është shkatërruar pothuajse tërësisht nga sulmet ruse, është “xhepi” i fundit i rezistencës së organizuar ukrainase në Mariupol.
Rreth 2,000 trupa dhe 1,000 civilë thuhet se janë të strehuar në bunkerë nën strukturën e shkatërruar.
