Eksplozivë e dhunë ndaj policëve
Nga Ora News Përditësimi i fundit 23 Prill 2022, 11:28
Dy sulme të rënda kanë ndodhur ndaj policisë në orët e fundit në vendin tonë. Në Bulqizë 3 persona dhunuan 2 efektivë të policisë së rrugores, ndërsa në Durrës në dyqanin e një efektivi u vendos tritol.
Një person është arrestuar dhe 2 të tjerë janë shpallur në kërkim në Bulqizë pasi kanë dhunuar dy punonjës të policisë.
Indrit Losha 30-vjeç ra në pranga, ndërsa në kërkim u shpallën Alketo Stafa dhe Armand Dumani 22 dhe 30 vjeç.
Policia njofton se efektivët e rrugores kanë ndaluar një mjet tip “Benz” i cili po kryente manovra të rrezikshme në rrugë, ndërsa kanë kërkuar që shoferi Indrit Losha t’i nënshtrohet testit të alkoolit.
Pikërisht në këtë moment shoferi ka bërë rezistencë, dhe bashkë me ndihmën e pasagjerëve Stafa dhe Dumani kanë nsiur duke ushtruar dhunë ndaj dy punonjësve të policisë rrugore.
Efektivët kanë mundur që ta ndalojnë 30-vjeçarin Losha dhe ta arrestojnë, por pasagjerët kanë ikur nga vendi i ngjarjes dhe janë shpallur në kërkim.
Policët e dhunuar kanë marrë lëndime të ndryshme në trup, ndërsa janë jashtë rrezikut për jetën.
Nga ana tjetër në Durrës ka shpërthyer një sasi tritoli në dyqanin e një efektivi të Forcave Shqiponja.
Ngjarja ndodhi në Katund të Ri ndërsa sasia e eksplozivit ndodhi nëdyanin e Hysen Gashit i cili në momentin e shpërthimit ishte në shërbim.
Burimet saktësuan se deri më tani po hetohet në pistën e sulmit për shkak të detyrës, por dhe në atë të konkurrencës për shkak të dyqanit.
