Një bandë hajdutësh çmontuan dhe vodhën një urë hekuri 550 tonëshe në mes të ditës
Nga OraNews Përditësimi i fundit 17 Prill 2022, 09:03
Një bandë hajdutësh çmontuan një urë më shuëm se 18 metra të gjatë dhe 550 tonë në Indinë verilindore për ta shitur për skrap.
Policia ka arrestuar tetë persona, duke përfshirë dy punonjës të qeverisë, tha një zyrtar të policisë.
"Ne kemi gjetur rreth 247 kg hekur të vjedhur dhe materiale të tjera,"tha policia.
Ura e hekurt përtej kanalit Ara-Sone në Bihar, e cila ishte e amortizuar dhe jashtë funksioni që nga fillimi i viteve 2000, u çmontua gjatë tre ditëve nga 3 prilli, raportoi BBC News.
Banda mbante uniforma zyrtare për të shmangur dyshimet ndërsa punonte në mes të ditës, çdo ditë nga ora 7 e mëngjesit, duke përdorur prerës dhe ekskavatorë për çmontimin e saj.
Banorët në fshatin Amiyavar ishin të pavëmendshëm për vjedhjen, raportoi media.
"Askush nuk dyshoi se ishte një grabitje," tha gazetarja lokale Jitendra Singh për BBC.
Madje, media raportoi se disa fshatarë ishin të lumtur që ura e pashfrytëzuar më në fund po hiqej.
Një telefonatë në departamentin e ujitjes më 5 prill nga Paëan Kumar, një burrë nga një fshat aty pranë, ishte ajo që alarmoi policinë për krimin.
Kumar kontaktoi zyrtarët lokalë për të pyetur pse nuk po ndiqen procedurat në lidhje me heqjen e urës, raportoi BBC News.
Policia më pas nisi një hetim dhe kreu bastisje pasi kuptoi se autoritetet nuk kishin dhënë urdhër për çmontimin e urës, tha media.
Tetë persona u arrestuan.
