Dogji makinat në Vlorë dhe dështoi të vjedhë një tjetër, arrestohet 31-vjeçari
Nga OraNews Përditësimi i fundit 13 Prill 2022, 11:55
Policia e Vlorës ka arrestuar një 31-vjeçar i dyshuar për djegien e dy makinave mbrëmjen e 7 prillit në Vlorë.
Xhevair Kovaçi, banues në lagjen "Kushtrimi", akuzohet për veprat penale “Vjedhja” dhe “Shkatërrimi i prones me zjarr”.
"Dyshohet se ky shtetas është autor i disa vjedhjeve të automjeteve, të ndodhura gjatë ditëve të fundit, si dhe autor i djegies së 2 automjeteve, në pronësi të shtetasve të ndryshëm" thotë policia.
Si rezultat i veprimeve hetimore rezulton se shtetasi Xh. K.:
-Më datë 01.04.2022, ka vjedhur automjetin në pronësi të shtetasit F. D.;
-Më datë 07.04.2022, ka djegur 2 automjete, në pronësi të shtetasve V. Ç. dhe V. K.;
-Më datë 08.04.2022, ka tentuar të vjedhë automjetin në pronësi të shtetasit P. N.
Materialet i kaluan Prokurorisë pranë Gjykatës së Rrethit Gjyqësor Vlorë, për veprime të mëtejshme.
