Drama e refugjatëve nga Lindja e Mesme në një ekspozitë
Nga Iris Rezhda Përditësimi i fundit 7 Prill 2022, 17:26
Janë fytyrat e refugjatëve që kanë ardhur nga Lindja e Mesme në vendin tonë.
Këto janë veshjet e një prej emigrantëve që ka lënë Sirinë e shkatërruar nga luftrat që nuk kanë fund dhe i është drejtuar Europës për një jetë më të mirë.
Përmes objektivit të aparatit të tij, fotografi Renuar Locaj ka dokumentuar portretet e refugjatëve që kanë hyrë në Shqipëri.
Për Derand Krasniqi, punonjës i mbrojtjes së refugjatëve në UNHCR këto fotografi nuk dokumentojnë vetëm portretet e refugjatëve por jetën e tyre dhe dramën që po përjetojnë mijëra njerëz në mbarë botën.
Ipeshkvi, Giovanni Peragine, tregon se këto fotografi janë një mesazh që jetësohet edhe sot.
"Fenomeni i emigracionit na prek edhe sot, na prek të gjithëve. Të gjithë duhet të ndihemi përgjegjës për çfarë ka ndodhur."
Ekspozita me fotografitë e refugjatëve do të jetë e hapur për 10 ditë në Bibliotekën e qytetit të Korçës.
