Tronditëse: Policia gjeti 5 fetuse në shtëpinë e aktivistet kundër abortit në Uashington
Nga OraNews Përditësimi i fundit 31 Mars 2022, 20:14
Sipas një raporti, policia ka zbuluar pesë fetuse në shtëpinë e një aktivisteje kundër abortit në Uashington DC.
Policia e DC bëri me dije se oficerët e bënë zbulimin tronditës gjatë një bastisjeje në një pronë në Capitol Hill të mërkurën pasdite, pas një informacioni për bio-rrezik.
Prona është shtëpia e Lauren Handy, themelueses i grupit kundër abortit Mercy Missions, e cila u padit po atë ditë për një incident ku ajo dhe aktivistë të tjerë sulmuan një klinikë aborti, duke rrëzuar një punonjës dhe duke bllokuar njerëzit të futeshin në klinikë.
Zonja Handy, 28 vjeç, u fotografua e ulur jashtë shtëpisë së saj të mërkurën, ndërsa hetuesit u panë duke nxjerrë sende në çanta të rrezikut biologjik.
Ajo tha se njerëzit do të tërboheshin kur të dëgjonin se çfarë ishte brenda kontejnerëve që po kapeshin nga policia.
Hetuesit më vonë konfirmuan përmbajtjen, duke thënë se fetuset ishin tani në duart e Zyrës DC të Krye-ekzaminuesit Mjekësor.
Handy ishte një nga nëntë protestuesit kundër abortit që u padit të mërkurën për bastisjen e tetorit në klinikën e abortit.
Të tjerët janë: Jonathan Darnel, 40 vjeç; Jay Smith, 32 vjeç; Paulette Harloë, 73 vjeç; Jean Marshall, 72 vjeç; John Hinshaë, 67; Heather Idoni, 61 vjeç; Ëilliam Goodman, 52 vjeç; dhe Joan Bell, 74 vjeç.
