Qeveria franceze: Ukraina nuk do të jetë në gjendje të korrë ose eksportojë grurë këtë vit
Nga OraNews Përditësimi i fundit 31 Mars 2022, 19:05
Ka shumë të ngjarë që Ukraina – një nga eksportuesit më të mëdhenj të grurit në botë – të mos jetë në gjendje të përpunojë të korrat e saj ose të eksportojë ndonjë rezervë gruri këtë vit pas pushtimit rus, tha të enjten një burim i Pallatit Élysée.
Luftimet e vazhdueshme dhe humbja e fuqisë punëtore bujqësore e bëjnë çdo korrje dhe mundësinë e mbjelljes jashtëzakonisht të vështirë, tha burimi i qeverisë franceze.
“Vetëm Ukraina është thelbësore për balancën e tregut botëror të ushqimit”, shtoi burimi.
Qeveria ukrainase ndaloi eksportet e mallrave kryesore bujqësore – duke përfshirë grurin, misrin, drithërat, kripën dhe mishin – sipas një rezolute të kabinetit që kaloi në fillim të këtij muaji.
Organizata e Kombeve të Bashkuara për Ushqimin dhe Bujqësinë paralajmëroi më 11 mars se pushtimi rus i Ukrainës mund të sjellë ndërprerje të korrjes së drithërave dhe eksportit në Ukrainë, përveç rritjes së çmimeve që vijnë si rezultat i luftimeve atje dhe efektit të sanksioneve ekonomike mbi eksportet ruse.
Ukraina ka qenë në rrugën e duhur për një vit rekord të eksporteve të grurit përpara pushtimit, ndërkohë që eksportet e grurit të Rusisë po ngadalësoheshin, sipas Departamentit të Bujqësisë së SHBA-së.
