Objekt i mosmarrëveshjes 70-vjeçare, Rusia fillon stërvitjen në ishujt e pretenduar nga Japonia
Nga OraNews Përditësimi i fundit 26 Mars 2022, 09:14
Rusia ka nisur stërvitjet ushtarake në një zonë që përfshin ishujt që ajo kontrollon, por Japonia e kundërshton duke i quajtur territoret e saj.
Stërvitja ka nisur disa ditë pasi Rusia u tërhoq nga bisedimet e paqes në përgjigje të vendimit të Tokys për të vendosur sanksione ndaj Rusisë për pushtimin e saj në Ukrainë.
Katër ishuj - të cilët Rusia i quan Kurilet Jugore dhe Japonia i quan Territoret Veriore - janë objekt i një mosmarrëveshjeje më shumë se 70-vjeçare midis dy kombeve.
Për shkak të mosmarrëveshjes, Rusia dhe Japonia nuk kanë nënshkruar ende një traktat paqeje për t'i dhënë fund Luftës së Dytë Botërore.
Presidenti turk bisedon me Zelenskyn
26 Mars, 09:04
Në fillim të kësaj jave, Rusia tha se po tërhiqej nga negociatat me Japoninë që synojnë nënshkrimin e atij traktati, për shkak të qëndrimit të ashpër të Tokios kundër pushtimit të Ukrainës nga Moska.
Dhe tani, Distrikti Ushtarak Lindor i Rusisë thotë se do të kryejë stërvitje ushtarake në ishuj me më shumë se 3,000 trupa dhe qindra pjesë të pajisjeve të ushtrisë.
Japonia e kishte dënuar më parë Rusinë për tërheqjen nga bisedimet e paqes dhe për ndalimin e projekteve të përbashkëta ekonomike në lidhje me ishujt.
