"Shko në djall anije ruse", gati të vdisnin për të mos u dorëzuar, lirohen ushtarët e ishullit të Gjarpërinjve të marrë peng

Nga OraNews Përditësimi i fundit 26 Mars 2022, 08:29

Rojet kufitare ukrainase, të cilët u kapën ndërsa mbronin ishullin e gjarpërinjve, u liruan pas një shkëmbimi të burgosurish, sipas Kievit.

Parlamenti i Ukrainës raportoi të enjten se 19 ushtarët u liruan në këmbim të marinarëve rusë.

"Shkëmbimi i parë i pengjeve të luftës ndodhi me urdhër të Presidentit Volodymyr Zelensyy," tha parlamenti në Twitter.

"Për më tepër... Ukraina shkëmbeu 11 marinarë rusë që shpëtuam nga një anije e mbytur pranë Odesës për 19 marinarë ukrainas," shtoi ajo.

Ushtarët e shpëtuar ukrainas tërhoqën vëmendjen ndërkombëtare pasi refuzuan thirrjet ruse për tu dorëzuar.

"Shko në djall anije ruse", gati të vdisnin për

Sipas videoklipeve audio virale, rojeve kufitare iu tha nga forcat e Moskës që "të dorëzonin armët dhe të dorëzoheshin për të shmangur gjakderdhjen dhe viktimat e panevojshme" ose "të bombardoheshin".

Ushtarët ukrainas u dëgjuan më pas duke folur mes tyre, përpara se të dëgjoheshin duke thënë "Anije ruse shko në djall."

Zyrtarët ukrainas fillimisht kishin raportuar se të gjitha trupat e vendosura në ishullin strategjik të Gjarpërinjve (i njohur gjithashtu si ishulli Zmiinyi) në Detin e Zi ishin vrarë.

Por marina e Ukrainës tha më vonë se rojet kufitare ishin në fakt të gjallë dhe ishin kapur nga "pushtuesit rusë".

Rusia kishte mohuar pretendimet se ushtarët ukrainas ishin vrarë nga sulmet ajrore dhe detare.

“Marinarët tanë do të kthehen në shtëpi me anijen e shpëtimit “Sapphire”, e cila u kap nga pushtuesit rusë gjatë përpjekjes për të tërhequr trupat ukrainase nga ishulli Zmiiny”, tha parlamenti ukrainas.