Interpoli dërgon një ekip në Moldavi mes shqetësimeve për trafikimin e qenieve njerëzore
Nga OraNews Përditësimi i fundit 25 Mars 2022, 22:07
Organizata globale e policisë Interpol ka dërguar një ekip në Moldavi për shkak të shqetësimeve për trafikimin e qenieve njerëzore.
Një lëvizje e tillë është bërë nga Interpol, pasi vendi përballet me një rritje të madhe të refugjatëve që ikin nga Ukraina.
Që nga fillimi i pushtimit rus, pothuajse 380,000 ukrainas kanë ikur në Moldavinë fqinje, e cila ka një popullsi prej 2.6 milionë banorësh dhe është një nga vendet më të varfra në Evropë.
Ekipi i Interpolit do të vendoset në kryeqytetin Kishinau dhe kampe të ndryshme refugjatësh, thuhet në një deklaratë.
Agjencia ka marrë tashmë raporte për trafikantët e qenieve njerëzore dhe kontrabandistët që presin në pikat e kontrollit kufitar për të kapur ukrainasit e “cenueshëm".
"Fëmijët dhe të miturit e pashoqëruar janë veçanërisht të cenueshëm ndaj shfrytëzimit nga kontrabandistët dhe trafikantët," paralajmëroi Interpol.
