Brazili dhuron spektakël, lë Kilin jashtë Kupës së Botës (Video)
Nga OraNews Përditësimi i fundit 25 Mars 2022, 08:04
Edhe pse është kualifikuar më tej, Brazili vijon të fitojë dhe të dhurojë spektakël. Në ndeshjen e parafundit të eliminatoreve të Botërorit për zonën latine, Brazili dënoi Kilin duke i mposhtur 4-0 dhe tashmë për Vidal me shokë mbetet një përqindje shumë e vogël për të shkuar në playoff.
Ishte një rikthim edhe për Neymar para tifozëve dhe nuk i zhgënjeu me paraqitjen e tij teksa hapi rrugën e suksesit duke shënuar me një penallti. Më pas Vinicius, Coutinho dhe në fund Richarlison mbylli suksesin 4-0.
Uruguai ndërkoi arriti të kualifikohej direkt për Kupën e Botës në raundin e parafundit të eliminatoreve falë suksesit minimal 1-0 ndaj Perusë falë golit të shënuar nga De Arrascaeta në 42’.
Tashmë gjithçka luhet për vendin e pestë që të çon në playoffin e Botërorit dhe janë Kolumbia, Kili dhe Peruja që luajnë shanset në ndeshjen e fundit./Ora News/.
