Njerëzit përpiqen të ikin nga zonat urbane rreth Kievit, automjetet në radhë për kilometra
Nga OraNews Përditësimi i fundit 9 Mars 2022, 22:07
Një zyrtar i lartë në rajonin e Kievit thotë se linjat e automjeteve shtrihen për kilometra ndërsa njerëzit përpiqen t'i shpëtojnë luftimeve në zonat në veri dhe veriperëndim të Kievit.
Konstantin Usov, nënkryetari i administratës rajonale të Kievit, duke folur nga një pikë në perëndim të Kievit, tha se evakuimi ishte duke u zhvilluar nga mijëra njerëz që u përpoqën të përdorin të ashtuquajturat "korridoret e gjelbër" të rënë dakord nga Rusia dhe Ukraina për t'i shpëtuar shkatërrimit në veri të kryeqytetit.
"Për fat të keq, njerëzit nuk mund të largoheshin nga të gjitha qytetet sot, pasi ra errësira " tha Usov.
"Tani ju shihni një numër të madh makinash këtu, bllokime trafiku - ata thonë se është 15 kilometra. Ne nuk mund të shohim nga këtu," tha ai.
Ai shtoi se ata po përpiqem që të gjitha makinat të ikin sa më shpejt.
“Po kontrollojmë dokumentet që diversantët rusë të mos kalojnë nën maskën e të evakuuarve. Punë e vështirë, për fat të keq, ne jemi 100% përtej shtetrrethimit."
Ora policore në rajonin e Kievit fillon në orën 20:00. Koha lokale.
"Ne vazhdojmë të ushqejmë njerëzit, vazhdojmë t'i ngrohim, u japim çaj," tha Usov.
