Zyrtarët e Mariupol: Rreth 1,300 civilë janë vrarë në qytet që nga fillimi i pushtimit rus
Nga OraNews Përditësimi i fundit 9 Mars 2022, 21:30
Dy zyrtarë në qytetin e rrethuar të Mariupolit në Ukrainën jugore thonë se rreth 1300 civilë atje janë vrarë që nga fillimi i pushtimit rus.
Qyteti u bombardua në ditët e fillimit të konfliktit dhe ka qenë i rrethuar për gati një javë.
“Paraprakisht, 1,300 banorë të Mariupolit kanë vdekur tashmë gjatë gjenocidit të bllokadës së Federatës Ruse”, tha Petr Andryushchenko, një këshilltar i kryetarit të bashkisë së Mariupolit.
“Ne do të luftojmë për të gjithë”, shtoi ai.
Më herët të mërkurën, nënkryetari i bashkisë së Mariupolit, Sergei Orlov, tha se të paktën 1,207 viktima të bombardimeve ishin konfirmuar deri të martën.
"Në të vërtetë ne nuk mund të llogarisim se sa vdekje kemi - dua të them tre deri në katër herë më shumë. Ne as nuk jemi në gjendje të numërojmë se sa njerëz në rrugë janë vrarë nga bombardimet dhe artileria," tha Orlov.
