Një ditë pas atentatit në Vlorë, vrima e plumbit në kioskë dhe copat e makinës si dëshmi e krimit
Nga Edi Ruçi Përditësimi i fundit 6 Mars 2022, 10:12
Vrima e plumbit në këtë kioskë pranë Pallatit të Sportit ku u plagos 33-vjeçari, Romeo Meçaj, ka mbetur si dëshmi e asaj çfarë ndodhi mbrëmë.
Ora News ishte mëngjesin e sotëm në vendin e krimit.
Pamjet tregojnë zonën ku ndodhi krimi teksa një vrimë në një prej tabakinove të zonës është shenja e qartë e atentatit dhe plumbave që mund të kapnin këdo.
Në në zonë ka ende gjurmë të automjetit apo pjesëve të tij të bërë copa si rrjedhojë e plumbave dhe përplasjes.
Konfliktet për pazaret e drogës janë pista kryesore e hetimit për plagosjen e 33-vjeçarit Romeo Meçaj.
15 dëshmitarë të pyetur nga policia nuk e kanë ndihmuar hetimin, ndërkohë që edhe kamerat e sigurisë së zonës nuk kanë arritur ti fiksojnë autorët.
Ata kanë përdorur një makinë "Golf 5", të cilën e dogjën disa minuta pas ngjarjes në zonën e Ujit të Ftohtë.
