Zelensky bën thirrje për "mbylljen e qiellit" të gjithë porteve dhe aeroporteve për Rusinë
Nga OraNews Përditësimi i fundit 1 Mars 2022, 00:10
Presidenti ukrainas Volodymyr Zelensky bëri thirrje të hënën, 28 shkurt, për një ndalim global të avionëve dhe anijeve ruse si ndëshkim për sulmin ndaj vendit të tij.
“Në 5 ditë luftë Rusia ka lëshuar 56 raketa dhe 113 raketa Cruise bëri të ditur presidenti Volodymyr Zelenskyy dhe i kërkoi komunitetit ndërkombëtar që "të konsiderojë një mbyllje totale të qiellit për raketat, avionët dhe helikopterët rusë".
"E keqja, e armatosur me raketa, bomba dhe artileri, duhet të ndalet menjëherë, të shkatërrohet ekonomikisht. Për të treguar se njerëzimi është në gjendje të mbrohet, është e nevojshme të konsiderohet një mbyllje e plotë e qiellit për raketat, avionët, helikopterët rusë" tha Zelensky
Në thirrjen për një zonë ndalim-fluturimi mbi Ukrainë, ai nuk tha se kush duhet ta zbatojë atë, apo si.
Ndërkohë bisedimet e paqes të së hënës, 28 shkurt u mbajtën në sfondin e bombardimeve të vazhdueshme ruse të qyteteve të Ukrainës, shtoi ai.
Ai dënoi gjithashtu rolin e Rusisë në Organizatën e Kombeve të Bashkuara, duke thënë se një vend që kryen krime lufte nuk duhet të lejohet të mbajë një vend të përhershëm në Këshillin e Sigurimit të OKB-së.
"Një shtet që kryen krime kundër civilëve nuk mund të jetë anëtar i Këshillit të Sigurimit të OKB-së. Për një shtet të tillë duhet të mbyllen hyrjet në të gjitha portet, kanalet, aeroportet në botë. Një shtet i tillë nuk duhet të marrë qindra miliarda për eksportin e energjisë". Të blesh mallra ruse tani do të thotë të paguash për vrasjen e njerëzve", shtoi Zelensky.
Shtetet që mbyllën hapësirën ajrore për Rusinë
