Finlanda ndryshon politikën, dërgon armë dhe municione në Ukrainë
Nga OraNews Përditësimi i fundit 28 Shkurt 2022, 21:57
Finlanda do të sigurojë armë dhe municion për Ukrainën, ka thënë kryeministrja e vendit, Sanna Marin.
Dërgesa do të përfshijë 2,500 pushkë, 150,000 plumba, 1,500 armë antitank dhe 70,000 pako ushqimore, shtoi ministri i mbrojtjes i Finlandës, Antti Kaikkonen.
Duke folur pas një takimi të qeverisë sot, Kaikkonen u tha gazetarëve: "Armët antitank mund të përdoren për të luftuar automjetet e blinduara."
Vendimi nënkupton një ndryshim në politikë për Finlandën, e cila ka ruajtur imazhin e një vendi të paangazhuar që kur Bashkimi Sovjetik në 1956 hoqi dorë nga një bazë detare që kishte marrë me qira në Finlandën jugore pas Luftës së Dytë Botërore.
Kaikkonen la të kuptohet se qeveria ka hequr dorë nga politika e kahershme e Finlandës për të mos furnizuar me armë në zonat e luftës të dielën, kur tha se qeveria po konsideronte dërgimin e materialit në Ukrainë që mund të përdoret për të vrarë.
Shteti nordik vendosi gjithashtu të dielën se do të furnizonte Ukrainën me helmeta, jelek antiplumb dhe pajisje të ndihmës së parë dhe i dha Estonisë lejen për të dhuruar armë fushore Ukrainës në pronësi të mëparshme të Finlandës.
