Video/ Rusia akuzohet për bombardimin e një çerdheje, pamje të rënda të trupave të shtrirë
Nga OraNews Përditësimi i fundit 26 Shkurt 2022, 18:32
Vladimir Putin akuzohet për bombardimin e një çerdheje, ndërsa pamjet tronditëse u shfaqën sot, 26 shkurt.
Videoja tmerruese dukej se tregonte një kopsht fëmijësh, të quajtur çerdhja Sunshine, e rrethuar nga trupa të shtrirë në qytetin lindor të Ukrainës, Okhtyrka.
Kamerat e dronit tregojnë raketat që vazhdojnë të fluturojnë.
Trupat e dy të rriturve duket se janë të shtrirë në pellgje gjaku, me njerëz të tjerë të strukur pranë tyre.
Klipi pason pamjet që tregojnë një goditje ruse në një qendër kanceri brenda mjediseve të një spitali në Melitopol.
Një video rrëqethëse tregon një raketë të qëlluar në ndërtesë përpara se ajo të shpërthejë pjesërisht në flakë.
Ministri i Jashtëm i Ukrainës Dmytro Kuleba tha se bombardimi i një spitali nga Rusia ishte "përtej së keqes".
Ai tha në një postim në Twitter: "Kini parasysh këtë: Putin ka nisur një luftë masive agresioni në Evropë gjatë një pandemie ende të ndezur."
“Përveç kësaj, rusët bombardojnë spitalet ukrainase tani."
