Pushtimi rus, 100 mijë ukrainas shkojnë në Poloni
Nga OraNews Përditësimi i fundit 26 Shkurt 2022, 12:52
Një numër në rritje i shpejtë i njerëzve po ikin nga lufta në Ukrainë.
Mediat e huaja, bëjnë me dije se rreth 100,000 njerëz kanë kaluar tashmë në Poloni.
"Lëvizja e refugjatëve po rritet," thotë zëdhënësja Anna Michalska.
Më shumë se 20,000 njerëz kanë mbërritur që nga ora 06:00 e mëngjesit së ditës së sotme.
Qeveria në Poloni është zotuar të pranojë këdo që i shpëton luftës në Ukrainë dhe t'u japë strehim të përkohshëm atyre që nuk kanë ku të shkojnë.
Polonia po i lejon njerëzit të kalojnë kufirin në këmbë në të tetë pikat e saj të kalimit kufitar.
