Furnizonte shkollën me kanabis, arrestohet pronari i lokalit në Shkodër
Nga OraNews Përditësimi i fundit 18 Shkurt 2022, 11:15
Goditet një rast i shpërndarjes së lëndëve narkotike në afërsi të shkollave.
Policia e Shkodrës ka arrestuar një 31 vjeçar, ndërsa në cilësinë e provës materiale u sekuestruan doza me lëndë narkotike cannabis sativa.
"U bë arrestimi në flagrancë i shtetasit M. Sh. 31 vjeç, banues në lagjen “Naim Gjylbegu” Shkodër. Gjatë kontrollit të ushtruar në lokalin e këtij shtetasi, në lagjen “Naim Gjylbegu”, janë gjetur dhe sekuestruar në cilësinë e provës materiale 17 doza me lëndë narkotike cannabis sativa. Nga veprimet hetimore dyshohet se ky shtetas shpërndante lëndë narkotike në afërsi të një shkolle dhe në ambientet e lokalit të tij".
Materialet iu referuan Prokurorisë së Rrethit Gjyqësor Shkodër, për veprat penale “Prodhimi dhe shitja e narkotikëve” dhe “Përshtatja e lokalit për përdorim droge”.
