Pretendon se po martohet me një fantazmë, 38-vjeçarja tregon se po debaton me partnerin për datën e dasmës
Nga OraNews Përditësimi i fundit 11 Shkurt 2022, 22:14
Një grua që pretendon se po martohet me një fantazmë thotë se asnjë Kishë nuk do ta pranojë çiftin dhe ata po 'kërcënohen me ekzorcizëm' nga priftërinjtë.
Brocarde, 38 vjeç, është një këngëtare dhe kompozitore nga Oxfordshire dhe ra në dashuri me Edwardon - për të cilin ajo thotë se është fantazma e një ushtari viktorian. Edwardo u shfaq në shtëpinë e saj dhe që atëherë ata janë bashkë.
Si të gjithë çiftet, edhe ata kanë momente tensioni, por në pjesën më të madhe janë jashtëzakonisht të lumtur.
“Edwardo dhe unë po grindemi për datën e dasmës”, thotë Brocarde.
“Unë dua një dasmë verore, por ai e urren nxehtësinë."
"Për javë të tëra, nuk arritëm asgjë me të, kështu që unë do të dizajnoj një tabelë të datave të dasmave, për të parë se cila datë është më e leverdisshme për të dy."
Brocarde dhe Edwardo komunikojnë me mjete të pazakonta. Fantazma shpesh dërgon mesazhe të fshehta në dush.
“Edwardo ende lë mesazhe në dush dhe tregon emocionet e tij duke dërguar ndjesi të nxehta dhe të ftohta nëpër trupin tim”, shpjegon ajo.
“Çfarëdo që të duhet ta pyes, ai gjen një mënyrë për të komunikuar përsëri. Nuk qëndron vetëm në perimetrat e asaj që disa njerëz e klasifikojnë si '"normale" – por kush e do normalen?'
Megjithatë, martesa me një fantazmë po rezulton të jetë një detyrë e vështirë. Çifti është shmangur nga Kishat e shumta sepse institucionet e shohin marrëdhënien si blasfemi.
"Gjetja e vendit të dasmës është vërtet e ndërlikuar," thotë ajo.
“Ne jemi dëbuar nga disa Kisha dhe jemi kërcënuar me ekzorcizëm, unë dua një martesë të madhe."
Brocarde pretendon se disa priftërinj besojnë në paranormalen, por ata nuk mund të flasin publikisht për këto besime.
