Mbi 2 mijë rrënjë marijuanë, shkatërrohet grupi i trafikut të drogës në Spanjë, 10 shqiptarë të arrestuar
Nga OraNews Përditësimi i fundit 11 Shkurt 2022, 08:06
Dhjetë shqiptarë të moshës nga 19 deri në 32 vjeç janë arrestuar si anëtarë të dyshuar të një organizate kriminale për kultivimin dhe shitjen e marijuanës.
Mediat e huaja, bëjnë me dije se gjithashtu janë sekuestruar edhe 6 parcela me mbi 2 mijë rrënjë marijuanë.
Po ashtu janë sekuestruar dhe 4 mijë euro cash, dhe materiale të cilat ishin përdorur për kultivimin e lëndës narkotike.
Të arrestuarit konsiderohen si grup i strukturuar kriminal, i cili operonte në disa banesa dhe ndërtesa industriale në provincën e Alicantes.
Trafikantët kishin ndërtuar një sistem të sofistikuar ngrohjeje dhe ndriçimi me energji elektrike. Hetimet ishin kryer prej disa muajsh nga Brigada Juridike e Policisë dhe Stacioni Kombëtar i Policisë së Elçes.
