Kapet sasi e madhe droge në Kosovë, dyshohet se vinte nga Shqipëria
Nga OraNews Përditësimi i fundit 10 Shkurt 2022, 15:10
Droga që u kap mbrëmë nga Policia e Kosovës në Konushefc të Podujevës, me peshë 91 kg, dyshohet se ka origjinë nga Shqipëria.
Teksa si destinim final dyshohet se kishte vendet e Bashkimit Europian.
“Droga dyshohet se ka origjinë nga Shqipëria dhe ka kaluar përmes Prizrenit në Podujevë. Ka pasur destinim final vendet e BE-së”, tha policia në konferencë, raporton Gazeta Express.
Përveç 91 kg drogë të llojit marihuanë, në Konushefc janë konfiskuar edhe një veturë Audi me targa të Gjermanisë, një veturë Glof 4 me targa të Austrisë, dy vetura tjera dhe para me vlerë mbi 650 euro.
Lidhur me rastin është arrestuar një i dyshuar, ndërsa në kërkim janë edhe tre të tjerë./Express/
