Basha u heq funksionet mbështetësve të Berishës, zëvendëson edhe Rushajn. Alibeaj nënkryetar dhe kreu i grupit parlamentar në PD
Nga OraNews Përditësimi i fundit 15 Janar 2022, 17:27
Në mbledhjen e Këshillit Kombëtar pasditen e sotme, në PD janë bërë disa ndryshime të rëndësishme me propozim të Lulzim Bashës.
Ora News mëson se drejtimi i Grupit Parlamentar i ka kaluar Enkelejd Alibeaj, duke hequr kështu nga detyra Alfred Rushajn.
Gjithashtu mësohet se Agron Gjekmarkaj është votuar për postin e nënkryetarit të Kuvendit që ka mbajtur Enkelejd Alibeaj.
Më tej ndryshime të tjera kanë të bëjnë edhe me drejtimin e Komisioneve parlamentare dhe në Byronë e Kuvendit.
Lulzim Basha ka larguar kështu të gjithë mbështetësit e Berishës nga funksionet drejtuese.
Basha: Ndryshimet e tjera që do të propozoj kanë të bëjnë me drejtimin e komisioneve parlamentare dhe në Byronë e Kuvendit, si më poshtë:
Kryetar i Komisionit të Shëndetësisë: Grida Duma, zëvendëson Albana Vokshin
Kryetar i Komisionit të Arsimit: Flutura Açka, zëvendëson Agron Gjekmarkajn
Nënkryetar i Komisionit të Ligjeve:Dhurata Çupi, zëvendëson Flamur Nokën
Sekretariati për Buxhetin: Xhelal Mziu (sekretar)
Sekretariati për Procedurat, Votimet dhe Etikën: Bledion Nallbati (anëtar)
Sekretariati për Statusin e Deputetit: Dashnor Sula (sekretar)
Sekretariati për Kërkimin Parlamentar, Bibliotekën dhe Botimet: Lindita Metaliaj (anëtar)
