Transplanti i parë në botë, një burrë merr zemrën e derrit të modifikuar gjenetikisht
Nga OraNews Përditësimi i fundit 11 Janar 2022, 20:20
Një burrë amerikan është bërë personi i parë në botë që ka transplantuar zemrën nga një derr i modifikuar gjenetikisht.
David Bennett, 57 vjeç, është mirë tre ditë pas procedurës eksperimentale shtatë-orëshe në Baltimore.
Transplanti u konsiderua si shpresa e fundit për t'i shpëtuar jetën Bennett, megjithëse nuk është ende e qartë se cilat janë shanset e tij afatgjata për të mbijetuar.
"Ose vdisja ose bëja këtë transplant," shpjegoi Bennett një ditë para operacionit. “E di që është një goditje në terr por është zgjedhja ime e fundit”, tha ai.
Mjekët në Qendrën Mjekësore të Universitetit të Maryland-it iu dha një leje e veçantë nga rregullatori mjekësor i SHBA-së për të kryer procedurën, mbi bazën se Bennett - i cili ka sëmundje terminale të zemrës - përndryshe do të kishte vdekur.
Ai ishte konsideruar i papërshtatshëm për një transplant njerëzor, një vendim që shpesh merret nga mjekët kur pacienti është në gjendje shumë të keqe shëndetësore.
Derri i përdorur në transplant ishte modifikuar gjenetikisht për të eliminuar disa gjene që do të kishin çuar në refuzimin e organit nga trupi i Bennett.
Për ekipin mjekësor që kreu transplantin, ai shënon kulmin e viteve të kërkimit dhe mund të ndryshojë jetën në mbarë botën.
Kirurgu Bartley Griffith tha se operacioni do ta sjellë botën "një hap më afër zgjidhjes së krizës së mungesës së organeve".
Aktualisht, 17 njerëz vdesin çdo ditë në SHBA në pritje të një transplanti, me më shumë se 100,000 në listën e pritjes.
Mundësia e përdorimit të organeve të kafshëve për të plotësuar kërkesën është konsideruar prej kohësh dhe përdorimi i valvulave të zemrës së derrit është tashmë i zakonshëm.
